!أن تسمع .. فذلك وحده لا يكفي

الحقيقة الافكار تزدحم في عقلي من فترة ليست بالقليلة .. ولكن

لم أجد الوقت الكافي للكتابة حيث أن "مواويل" الامتحانات..كانت

!تكفيني بشدة

ولكن ها أنا ابدأ الكتابة .. وقد "استعنت ع الشقا بالله"

..الموضوع اللي كنت عايزة اتكلم فيه موضوع قديم حبتين

لكن اناعايزة اقول كلمة حق.. أو ممكن كلمة اعتذار ..

أو حاجات كثيرة في بعض كله هيبان :)

*******

كنت قد سمعت عن بعض مدوني الاخوان .. وما قد كتب عنهم

في جريدة المصري اليوم والتي وصفت بعض تدويناتهم بأنها

قيادة لثورة تصحيح .. وانشقاق جيل جديد على قيادات الاخوان

وتخاريف كدا مالهاش لازمة ! وعلشان كدا انا لم استوعب ماقيل

في بداية الأمر وحزنت كثيرا .. ولم اتخيل إنه ممكن يكون في شباب

من الاخوان بيفكروا كدا وخصوصا إن دا الجيل الصاعد اللي

المفروض انه هيشيل بعد كدا ..

المهم يعني إن انا سكتت على كدا ، لحد ما أثير امامي الموضوع

وقعدت ادافع وأبرر .. وعزوت الأمر إلى سبب هو من وجهة نظري

يعتبر السبب الجوهري لخروج مثل هذا الكلام من شباب الاخوان

ولكن وجدتني وقعت في خطأ قاتل كلفني كثيرا ، فللاسف لم احاول

أن ألقي نظرة على تلك المدونات قبل أن أتكلم أو أبرر وأدافع ..

لأرى صحة الكلام الذي قيل من عدمه

والكل يعلم أن ما تفعله وسائل الاعلام عادة هو التهويل ومحاولة

جعل الاموراكبر مما هي عليه بكثير .. أو ربما غير ما هي عليه

اصلا!وهذا ما لم انتبه له في بداية الأمر .. فحكمت حكما خاطئا

عدت فقرأت بعضا من تلك المدونات لأتبين أن ماقيل ماهي الا فرقعة اعلامية

وعدت لأكتشف الجوهر الجميل لهؤلاء المدونين .. ومعادنهم الأصيلة ..

اعجبتني جدا كلمات الاستاذ مجدي سعد

يا اخوان انا اخوان وهافضل اخوان وهاعيش اخوان وهاموت اخوان
يا اخوان انا
واقف ور ا قيادتي وواثق فيها ومش شاكك فيها ولا بتمرد عليها ولوايح مؤسستي
بحترمها
يا اخوان احنا مهما اختلفت في الاخر هالتزم براي الاغلبية وهاحترم قرار
الشوري
وهانفذ واجباتي كما طلبت مني
يا اخوان احسنوا الظن باخوكم وتفهموا
موقفه وفكرته
يا اعلام نرجوكم سيبونا نعيش حياتنا بشكل طبيعي بلاش حالة التربص
الغريبة اللي
بتحصل ناحيتنا
يا اعلام الاخوان جزء من الشعب المصري ليه حق
عليكم وابسط الحقوق
دية انكم تعاملوه بحيادية وبدون تربص
يا اهل مصر احنا
بتمد ايدينا ليكم تعالوا
شوفوا الاخوان اللي اجهزة الاعلام الحكومية حرماكم من
التعرف عليهم تعالوا شوفوا
حياتهم وسلوكياتهم واختلافاتهم علي مدوناتهم
يا
نخب احنا بنمد ايدينا وبنفتح
صدرنا وعقولنا ليكم فمتتخالوش عننا وتعالوا ادرسوا
المدونات وشوفوا جزء من الاخوان
مكنتوش قادرين تعرفوه
واخيرا
يا رب وصل
رسالتنا وطمن قيادتنا واجعلنا عند
حسن ظن اخوانا وافتح بيننا وبين قومنا بالحق
وانت خير الفاتحين
ويللا مش مهم

***********

وكمان كلمات عبد الرحمن عياش

وهوا بيرد على اللي اتكتب ، بس في نقطة اثارت انتباهي وكنت عايزة

اناقشها في بوست على حدة .. مافيش مشكلة اننا نكتب وندون علشان

الناس تعرفنا .. لكن ليه نكتب عنلى مشاكلنا علني كدا بدل ما ندور لها على حل وسطنا

يعني عبد الرحمن بيقول .. ان دي كلها حاجات منا وفينا وماحدش

له الحق ينقد كدا ..طيب يبقى مانكتبهاش كدا علني .. مش عارفة دي وجهة نظري

عايزة كمان أقول إن أحلى كلام قرأته في الموضوع دا كان للباشمهندس علاء

في تدوينته تغيير شعار الاسلام هو الحل

*********

المهم أنا كنت عايزة اقول إن المفروض الواحد يتأكد

فعلا من أي حاجة بيسمعها .. وانا حبيت اعتذر اني ظننت ظن

مش كويس .. لكن الحمد لله ربنا كسفني

يمكن الاستذا مجدي مايقرأش كلامي ولا عبد الرحمن ولا اي حد

بس انا كدا ارتحت ..