Saturday, March 15, 2008

missing my blog as the same as missing all of yours!!



السلام عليكم ورحمة الله وبركاته


يا ألله .. بجد متضايقة جدا .. كل دي غيبة!! ومش بحب كمان

اقول هعمل حاجة ومش بعملها

بس الكلية دي مستفزة بجد!! .. بدأنا امتحانات من الاسبوع اللي فات

وعندي بكرة امتحان!!


وكل خميس اقول دا يوم النت ، اقعد علشان اكتب

بس بجد مش بيكون عندي القدرة .. اصل الكتابة دي مزاج

والهام كدا بتيجي بظروفها .. مش بعرف اجبر نفسي على الكتابة

وقت ما يكون مناسب!!


وبعدين الواحد متضايق من نفسه علشان التقصير

في حاجات كتير .. خايفة يتحول التقصير دا إلى سمة


****************


المهم بجد بجد بجد يا جماعة محتاجة دعواتكم

مش لي

لكن لأخت لي في الله وصديقة عزيزة

مريضة جدا جدا جدا .. ومرضها غير معروف ومحير الدكاترة

ومش عارفين يحددوا مالها

مرة واحدة حالتها اتدهورت وسافروا بيها القاهرة

مرة يقولوا بروسيلا ومرة التهاب كبد وبائي ومرة اورام في الكبد

وكل ما يعملوا مناظير يلاقوا انسجة الكبد سليمة

ومتضخم فقط!!

عملوا اشعة ومناظير وحتى رنين مغناطيسي

ومش عارفين يحددوا

عملوا لها كونسولتوا.. وبرده مافيش فايدة

والبنت كل ساعة حالتها بتتدهور وبيكتشفوا اعراض جديدة

بترجع الحالة ورا

وسبحان الله على حال الدنيا .. الاخت دي اسمها اشراق

وهيا فعلا مشرقة ماشاء الله

وكلها حيوية واقبال على الحياة وكانت لسة يادوب مخطوبة

وكان معاد كتب الكتاب اتحدد في آخر 2

وسبحان الله بجد!!!!!


بجد يا جماعة هيا محتاجة كل دعوة بظهر الغيب

انا خايفة ما اشوفهاش تاني .. انا مش عايزة اعيط

علشان العياط مش بيعمل حاجة

لكن الدعاء بيرد القضاء

ولا حول ولاقوة إلا بالله العلى العظيم