الحقيقة التاج فيه اسئلة عاجباني وفيه حاجات صعبة
بس أهو ربنا يسهل
أول سؤال...إنتِ مين؟
انا بنت مسلمة عربية مصرية ..
في حد لسة مش عارف ان انا في صيدلة؟ :D
وعندي 21 سنة
مين أكثر 6 شخصيات بتحبيهم؟
الحقيقة صعب جدا احدد .. لأن انا الحمد لله اجتماعية جدا
وبحب ناس كثير جدا .. لكن لو حد ليه مكانة كبيرة اوي في قلبي
أقدر أقول انها اخت أكبر مني ب 9 سنوات بس بجد بحس انها
أمي واختي وصديقتي وكل حاجة ... انسانة مخلصة اوي
ليا كمان صديقة عزيزة جدا ..أصغر مني بسنة لكن
دماغها توزن بلد .. ربنا يبارك لها
وطبعا البديهي إني بحب ماما وبابا واخواتي
روحي كمان في اخويا الصغير عنده 9 سنين احيانا بيكون
غلس .. لكن بحس ان انا امه وبخاف عليه اكثر من روحي
انتِ سعيدة؟
الحقيقة السعادة دي شيء نسبي جدا ، شعور غريب جدا
أعتقد إن الواحد هيحس بيه اما يكون محقق التوازن المطلوب منه
في كل حاجة .. آه انا بقى سعيدة ولا لأ؟
أحيانا .. لما بكون في علاقتي مع ربنا كويسة جدا بكون في قمة
السعادة .. لأن أتوماتيك كل الحاجات التانية بتكون كويسة جد
لو اجتمعت مع حسني مبارك في غرفة واحدة هتقوله ايه؟
لو معاكِ مليون ونص هتعملي بيهم ايه؟
حاجات كثير الحقيقة ، أول حاجة هتبرع لفلسطين وبعدين
هشوف بلدي محتاجة ايه ومش هتأخر عليها
بتحبي مصر؟
هههههه، بصراحة انا ضحكت ..مش عارفة والله
انا بحبها وبحب اهلها علشان كلهم طيبين وغلابة
لكن زعلانة منها لأنها مش بتحبنا .. أو يمكن ماحدش
مديها فرصة انها تحبنا !!
بتحب البنات؟
علشان انا بنوتة اكيد بحب البنات يعني
بس الظاهر السؤال دا فعلا للولاد
عامة البنات بطبعهم حنيين اوي.. ومندفعين في اغلب
القرارات .. لأنها بتكون بالعاطفة .. لكن مايمنعش إن المرأة هي
نصف المجتمع وهي من تنجب النصف الآخر!
إنتي مسلمة؟
الحمد لله على نعمة الاسلام وكفى بها نعمة ..
والواحد بيحاول انها ماتكونش مجرد صفة في البطاقة
لكن مسلمة قولا وفعلا إن شاء الله
وليه؟
ربنا سبحانه وتعالى قدر ذلك ومن عليا بنعمة الاسلام
علشان يستخلفني في الارض ..وكل يوم من عمري بيعدي
عليا وانا مسلمة بتسأل فيه انا قدمت ايه للاسلام؟!!
ربنا يعيننا ويقدرنا
ايه أكثر موقف محرج اتعرضت ليه؟
ههههه، كان مووووووووقف مش محرج بس دا وحش جدا
كنت في الكلية وداخلة احضر محاضرة (كيميا تحليلية)..هقولكم
الاول .. ويمكن انتوا عارفين ان المدرج بيبقى غالبا بلوك للاولاد
ع الشمال وبلوك للبنات ع اليمين وفي النص مشترك
أنا كنت داخلة متأخرة والدكتورة كانت دخلت ..روحت
دخلت ع البلوك اللي في النص وانا طالعة ع السلالم
روحت ...طااااااااخ .. وقعت ..بس كانت واقعة محترمة
وايه المكان كان تحفة ..وسط الولاد كلهم والولاد بتوع سيكشني كمان
وراح واحد منهم مد لي ايده قال علشان يقومني!!!!!
المهم كان حتة موقف بصراحة وحش اوي .. صاحباتي جم قوموني
ورجلي اتجبست فيها شهر ونص .. :D
واتصرفتي ازاي؟
ما انا قولت اهو :)
إيه الامنية اللي بتدعي ربنا انه يحققها ليكِ؟
إن ربنا يرضى عني ، ويهديني وأن يجعلني سبب
في هداية ناس كثيييييييييرة
وأمنية تانية بقى احتفظ بيها لنفسي
والحمد لله كدا فنييييييتو .. خلصت ...
وأحب أمرر التاج دا لـــــ
