كل سنة وانتم طيبين .. طبعا هتقولوا مالها دي
بعيد عليكم بعد الهنا بسنة .. بس ماكنش ليا نفس ادخل
نت اليومين اللي فاتوا ..
علشان نفسي مسدودة من كتر اكل الفتة
:D :D
بجد بقى عندي مادة كدا قارفاني في عشتي ..
فارماكولوجي ... أو علم الأدوية للي مش عارف
المهم يعني امتحاني يوم الثلاثاء وسبحان الله
اقعد اذاكر اذاكر ومافيش فايدة حاسة ان انا مش مستوعبة
انا حابة المادة جدا مع انها مستفزة .. لكن مش عارفة
ليه حاسة ان انا مش قادرة اذاكر
ربنا يكرم..
ادعولي بالله عليكم ربنا يشرح صدري وييسر لي امري
وكل الناس بتقول .. العيد فرحة ..
!وانا بقول .. العيد فارما
اسيبكم مع شوية امثلة صيدلية ألفتها على غرار
الامثلة المصرية المتداولة
:)
اقلب الصيدلانيات على فمها، تطلع الصيدلة الصناعية زيها
الباب اللي يجيلك منه الامتحان ، سده بغرا ودهان
ياداخل بين الفايتو والعقاقير، ما ينوبك الا الاكتئاب وتأنيب الضمير
!!وكفاية كدا النهاردة
20 comments:
اولا كل سنة وانتي طيبة
ربنا معاكي ويوفقك
اجتهدي واعملي اللي عليكي وربنا هيكرمك ان شاء الله
:)
ربنا يوفقك وكل عام وأنت بخير شدي حيلك واستعيني بالله ولا تعجزي
كل عام وأنت بخير وتقبل الله منا ومنك
استعيني بالله وابذلي الأسباب وعلى الله النتائج
أعانك الله ووفقك
:)
كل عام انت بخير
شدى حيلك
ذاكرى اما النتيجة مش بايدينا
تحياتى
كان الله لك وسهل كل عسير
والامتحانات بتيجي وتروح ... عادي يعني
المهم
اننا نعمل اللي علينا وخلاص
ربنا معاكي
على فكرة النهاردة كانت الدفعة الثالثة عندها إمتحان فارما عملى
بس أعتقد إن الفارما عندكم غير الفارما عندنا
إحنا الفارما عندنا لها طعم تانى
طعم كده ميتوصفش
بلاش أقولك عليه
وأنا كان عندى إمتحان تربية
وكالعادة ...............
خير إن شاء الله
السلام عليكم
د نور
ربنا يوفقك في فارمتك ان شاء الله
وعلى فكره عن تجربه بقى
الفجر مفتاح الفارما
أي والله
أيام لما درست فارما من 4 سنين
كان عندي امتحان فارما شفوي
واتصلت بوالدتي قولتلها ادعيلي قالتلي بس صلي الفحر وروح
المهم
دخلت على الدكتور لقيته بيقوللي أول لما دخلت
صليت الفجر ؟؟
فقلت سبحان الله
وربنا كرمني فيها
الحمد لله
ربنا يقويك ان شاء الله
ساسبحان الله رانج ايتال بحالة فى المدونة وعندك عقدة من الفارما
يالله اسهل مادة شفتها فى حياتى كانت الفارما
حقيقة مادة لاذيذة جدا جدا
بس انا عايز اقولك حاجة يادكتور مفتاح الفارما عندى مش الفجر زى ما دكتور حر قال _هو الفجر مفتاح كل حاجة الصراحة_ مفتاح الفارما فى حاجتين
1_ هضم الفيسيولوجى كويس جدا
2- الاستعانة بالمخططات والرسومات
هتلاقى الكلام ده موجود بشكل كويس فى مرجع لبنكوت
lippincott
انما رانج ايتال ده عمهم انصحك تذاكرى منه
كل سنة وانتى طيبة ياقمر
وان شاء الله امتحانك يكون كويس جدا بس المهم تذاكرى وتتجهدى وتعملى اللى فى وسعك
ربنا معاكى
تحياتى
ده رابط لبنكوت
http://mihd.net/t6ke58
Rang & Dale's Pharmacology, 6/e 2007
http://mihd.net/aiz0f8
أخي الفاضل مصراوي اوي
وحضرتك طيب وربنا يكرمك على ردك الطيب
*********
أستاذنا عصفور المدينة
وكل عام وحضرتك بخير وجزاك الله خيرا على مرورك الطيب .. وبالله المستعان
********
اخي الفاضل وضاح
وكل عام وانتم بكل الخير ومنا ومنكم تقبل الله ..وبالله المستعان .. وكله على الله
أخي الفاضل الطائر الحزين
ربنا يكرمك على مرورك وردك الطيب وكل عام وانت بخير
*********
أخي الكريم صاحب المضيفة
ربنا يكرمك ، وجزاك الله خيرا على الدعوة الطيبة
*********
أخي الفاضل مؤمن
ربنا يكون عون الجميع ويكرمك إن شاء الله
بس امتحان تربية ايه؟؟؟!!
دكتور محمد .. الدكتور الحر
عندك حق بجد ، والفجر فعلا مش مفتاح الفارما بس .. مفتاح كل حاجة
انا فاكرة مرة كنت في لجنة شفوي
ولاقيت الدكتور بيقولي انتي صوتك حلو في القرآن .. فقولته الحمد لله برتل كويس
قالي سمعي لي اي سورة تحبيها وانا اديك الدرجة كاملة
!!!
بس كان موقف غريب جدا .. كله بيعدي بقى
اخواني مخربش
اهلا بك في مدونتي ، ووالله حسستوني بالتفاؤل .. مشكلتي في الحفظ والفارما دي اديها حفظ ورغي بالهبل
ربنا ييسر الأمور وكفاية عليا كتاب القسم .. هذاكر من مراجع كمان
!!
وبارك الله فيك على النصيحة الطيبة
ملاك
وانتي بالصحة والسلامة يا قمر وربنا يكرمك ويجازيك خير .. ومنوراني
*******
أبو عبيدة المرابط
جزاك الله خيرا على الاضافة الطيبة
السلام عليكم يا نور انا بكتب الاربع فياريت تكونى عملت قويس و كل سنة وانتى طيبة
و امثال تحفة
هههههههههههههههه
بالتوفيق إن شاء الله .. إبقي طمنينا
أخبارك إيه في الجبر والهندسة التحليلية؟ مذاكراهم كويس؟
:-D
مالها الفارما بس ؟!
هي صحيح تقيلة حبتين بس حلوة والله
أنا شايفاها من أظرف المواد
عموماً على كل حال أسأل الله أن يوفقك في بقية الامتحانات ، وعقبال امتحاني القادم في الكيمياء الصيدلية يكون سهل يااااااااارب
نور معلشى يا قلبى النت كان فاصل عندى
كان نفسى
اقولك ربنا معاكى ..
بس ان شاء الله يكون كان كويس
...
ربنا يوفقك ويوفق كل الطلبة
ربنا معاكي يا قمر
وباذن الله هيسهل
كل الناس كدة علي فكرة
وجامد جدا مثل اليتو والعقاقير
ههههههههههه
Post a Comment