من غير عنوان

السلام عليكم، الحقيقة أنا قعدت شوية افكر اكتب العنوان ايه..

وبعدين فضلت إن البوست يكون من غير عنوان ،لأني

هتكلم فيه عن حاجات كثيرة إن شاء الله

الحقيقة هناك الكثير مما اريد كتابته في البلوج ولكن الوقت لا يسعفنى

بأي حال من الأحوال! هناك ثلاث تاجات متأخرة عليّ

الأول من اخوانية مصرية والثاني من سمر (مركب ورق في البحر) والثالث

!من مؤمن (كلام في الممنوع) .. والثلاثة مختلفين يعني لازم اجاوبهم كلهم

بصراحة قبل ما اسافر اسكندرية ، كنت مترددة جدا بشأن السفر لكن

عرفت إنه كان لابد منه بعد ما سحرني منظر البحر والغيوم والغروب

قمت بتصوير بعض الصور ، لا أدري ما هو مدى جودتها .. لأني بدأت

التصوير كهواية منذ سنة فقط تقريبا..... ولم أتقنه بالشكل المطلوب بعد

الحقيقة ، هناك الكثير مما أثار حفيظتي وقد كنت أحلم بأنني مسافرة

!للاستجمام ولكن هيهات ... لازم من تعب الاعصاب والنرفزة ناخد نصيبنا

مثلا: واحنا على طريق اسيوط القاهرة الصحراوي الغربي.. طالعين ماكملناش

ساعتين ... وفجأة الطريق اتقلب لحجارة وتكسير وحاجة سيئة جدا جدا ومافيش

تحويلة لأي طريق تاني مسفلت بالاسفلت .. وفضلنا ماشيين على الطريق المكسر

دا حوالي ربع ساعة .. وطبعا على اقل سرعة ممكنة ... مش فاهمة دا ممكن يحصل

!!ازاي على طريق سفر المفروض انه صحراوي وهاي واي يعني

طيب الحمد لله الطريق رجع متسفلت تاني بعد الجزء المكسر دا ، وفجأة من غير

مقدمات نلاقي الشاحنات الكبيرة والسيارات جاية من الاتجاه المعاكس على نفس

طريقنا ... ومافيش اشارة تنبيه تشير إلى ازدواج الطريق ولا حاجة ... وفي الآخر

اكتشفنا إن الطريق التاني المعاكس بيتسفلت ومقفول ... طيب حد يقول ؟؟

طيب تخيلوا بقى ممكن تفضلوا ماشين في الطريق لمدة ساعة كاملة يعني

حوالي 100 كيلو .. من غير ولا يافطة واحدة توحد ربنا ... اصل المفروض

ان اللي بيسوق دا عبقري زمانه وعارف الطريق حتة حتة ...!!! مش عارفة

بجد ايه دا .. مش لاقية له وصف.. وصباح التوهان اللي كنا فيه

يعني الموضوع دا كان سيء جدا جدا وواضح اوي على الطريق الشمالي واحنا

راجعين بقى ... ممكن كمان تمشي اكتر من 200 كيلو .. اليفط بس عن مداخل

!المدن .. بني سويف والمنيا واسيوط ... غير كدا روح موت بقى

حاجة بقى يعني بجد لولا فضل ربنا سبحانه وتعالى ماكنتش هكتب في البلوج

دا تاني ... واحنا ماشيين على الطريق .. أعمال الاصلاح دي بتم بمنتهى

الاهمال .. قوالب الطوب والحاجات مرمية في وسط الطريق .. واحنا ماشيين

على سرعة 100 تقريبا .. وهووووب العجلة اليمين خبطت في قالب طوب

ماكنش باين والعجلة فرقعت طبعا والعربية خرجت عن السيطرة وكنا هندخل

في عامود النور اللي قدامنا .. بس كله بستر ربنا سبحانه وتعالى والله

اللي يجيب الضغط بقى .. انهم حاطيين أعمدة نور .. مش منورة !! يعني الطريق

بالليل ضلمة كحل ... ولو عملت حادثة لا قدر الله ولا حاجة تبقى انت السبب مش

!!!تفتح يا أخي

واحلى حاجة بقى ع الطريق الشمالي دا اللي واحنا راجعين ، حاطين يفط استراحات

من غير الاستراحات نفسها!!! يعني طريق طوييييييييل من غير استراحات ولا

أي نوع من انواع الخدمات .. اقل الخدمات البشرية والله ... فين أما لاقينا جامع

علشان نتوضى ونصلي ...

والله حاجات كثير تجيب الضغط والسكر وتفقع المرارة بس انا مش عايزة

انكد عليكم اكتر من كدا .. دا كل دا واحنا في الطريق بس!!

المدينة بقى اللي كنا فيها .. 6 اكتوبر -القوات المسلحة.. والله كانت مدينة

كويسة اوي لحد آخر مرة روحتها .. فوجئت بيها السنة دي .. آخر بهدلة

والخدمات مش قد كدا .. والشوارع سيئة جدا .. كل شارع فيه حوالي اكتر

من 10 مطبات .. كل مترين مطب مثلا!! انا عارفة ان دا بيكون مثلا علشان

الاقلال من السرعات العالية داخل المدينة .. لكن المطبات موضوعة

بغباء شديد جداا .. وعالية جدا .. يعني تودي اي عربية في داهية

المهم يعني ، كفاية وجع قلب وبهدلة ... البحر كان جميل والسماء صافية

والشمس مشرقة .. بس الأمواج كانت عالية جدا في كام يوم كدا والبحر

كان فيه سحب ..والعلم الأسود كان على طول مرفوع ... لكن المجمل

كان جميل الحمد لله

هحطلكم بقى شوية صور من اللي صورتهم .. وانتوا قولوا رايكم بقى

دا بحر اسكندرية والبعيييييييدة دي القلعة :D

ودا البحر ساعة الغروب .. المنظر بجد ع الطبية جميل جدا

ودول 7 توائم .. بس بجد كانوا امامير خالص وهما ماشيين

ورا بعض صف واحد ..الصورة غامقة اوي اعتقد علشان انا

اخذتها غلط عكس اتجاه الشمس فالظل عمل كدا