السلام عليكم ورحمة الله وبركاته
اخوتي الكرام هنأكم الله بالقبول .. ورزقكم شربة ماء من يد الرسول
لا تظمئون بعدها أبدا..
خاطرة سريعة تلح عليّ أن اكتبها ..
جاء رمضان ومر وكأنه الريح .. فاللهم اجبر
كسر قلوبنا بفراقه وثبتنا بعده على الطاعة ..آمين
من علامات قبول الطاعة الثبوت عليها والاستزادة منها بعدها
فياريت كل واحد منا يراقب نفسه ويعلي الهمة .. ولنكن ربانيين
!لا رمضانيين
ووالله يا اخواني الافاضل بالنسبة لي افضل ما فعلته
في رمضاني هذا هو التعلق بكتاب الله ومحاولة ليست
قراته فقط لأجل الختمة .. وانما فهمه والتفاعل معه بشكل مختلف
ووالله ووالله انه له لحلاوة غريبة فعلا عارفين
لو تمسكنا فقط بسورة واحدة من كتاب الله وحاولنا
!!!نطبقها في حياتنا هنكون أمة غييييييييير
فما بالكم بكتاب الله جميعه .. والله يا اخواني هو العزة والرفعة
احنا معانا مفتاح النصر من زمان بس مش شايفينه
!معانا كنز .. لكن الناس بتزهد فيه .. كنز مهجور
عايزين نرتبط بكتاب الله ونعيش قصه واحداثه وآياته
عايزين واحنا بنقرأ كتاب الله وكأننا بنقرأه على رب العالمين
!رب العالمين بيكلمك .. عايز ايه تاني؟
انا عارفة ان الواحد بيخرج وبيكون كله حماسة
وبتبدأ تقل تدريجيا .. لكن نحن نريدها همة عالية
ان اعانني الله سبحانه وتعالى وفتح عليّ
إن شاء الله سأطل عليكم بعدة
تأملات قرآنية
ومرايا قرآنية
فالله المستعان .. وأسألكم الدعاء فقط
نفسي بجد اتواصل في المدونة بشكل اكبر
!لكن سبحان الله الوقت ضيق جدا والامتحانات بدأت
بحسها خطة منهم في الكلية علشان الواحد مايعملش اي حاجة
غير المذاكرة ..وينسى دينه واي حاجة ايجابية في المجتمع
الله المستعان
12 comments:
جزاك الله خيرا
ربنا يوفقك
لا تنسينا من صالح دعاءك
جاء رمضان .. ومضى رمضان
خسر فيه من خسر
وربح فيه من ربح ..
ونسأل الله أن نكون من الرابحين
رائع ما قلتيه عن ارتباطنا بكتاب الله
فهو من عاش له الصحابة فأدركوا
قيمته فانكبوا عليه وتفرغوا له..
واعتصموا بهذا الحبل
وأقبلوا عليه
إقبال الظمآن على الماء بل أشد
وأعطوه أفضل وأكثر أوقاتهم
دام قلبكِ فى حب الله يسمو
جزاكم الله خيرا
لكم الدعاء متواصل
"واختي الكريمة "نارا
نورتيني في مدونتي .. وجزاكِ الله خيرا
على دعوتك الطيبة
وحشانى جدا يا نور
كان اللينك ضايع منى بتاعة مدونتك
لقيت ردك عند الطائر الحزين مصدقت طبعاً
المهم الله يكرمك علي الكلام الجميل ده وياريت فعلا كلنا نعمل كده اللي فرق معايا انا انى بدرس في معهد لاعداد معلممى القران من السنة دى بس متتخيليش فرق معايا ازاى السنة دى وانا بقرأ وبحاول اهم وافسر ياه عالم اخر
اللهم بارك للك في ايامك واوقاتك
وكل سنة وانت طيبة
انتي وحشاني كمان والله
ازيك يا حبيبتي
ربنا يكرمك على كلماتك الرقيقة ومرورك العطر .. ومعلش مقصرة معاكِ ومع الكل الفترة اللي فاتت دي
بس ان شاء الله نتواصل افضل من كدا
:)
وفعلا معاكِ حق فرق السما والارض والله لما تقرأي وتفهمي وتفسري ..
الصحابة رضوان الله عليهم عاشوا بالقرآن علشان كانوا بياخدوا عشر آايات يحفظوهم ويفهموهم ويعملوا بيهم وبيعدين ياخدوا غيرهم
مش احنا .. :(
الله المستعان وتسلمي على دعواتك الجميلة
صدقت أختنا ..
يتسرّب الى النفس احساس رائع بالطمأنينة حينما تمرّ على آيات القرآن ، ليت الحياة كلها رمضان وليتنا نحياها كلها في طاعة وكما يريد الرحمن .
أحد الأصدقاء حفظ القرآن كاملا في أقل من عام وكان قبلها غير ملتزم من الأساس
يصلي بنا الآن امامًا ..
قال لي أوّل رمضان:
أقسم بالله لو جاءوني الآن بملء الأرض ذهبًا وخيروني بينه وبين أن أجلس ساعة فأتلو كتاب الله لاخترت تلاوة كتابه..
والله ما احبّ أن ابدّل به ولو ملء الأرض ذهبا !
ذاق حلاوته فأدرك قيمته
هو أغلى من كل ما الحياة
ننتظر تأملاتك القرآنية أخت نور ..وان شئت فزيّنيها ب(ظلال القرآن) للشهيد قطب
ربما حان الوقت لنقرأه جميعًا بعد رمضان حتى يدوم الاتصال بيننا وبين كتاب الله قراءةً وفهمًا وتطبيقًا .
وتقبل الله منا ومنكم وأعانكم على طاعته
كل سنة وانتى طيبة يا جميل
ربنا يتقبل منا ومنك
عندى تاج فى المدونة ياريت لو عجبك تاخديه وتحليه
بارك الله فيكم بالفعل مصدري الاساي هو "في ظلال القرآن" ..والله المستعان
واختي في الله وانتي طيبة يا قمر
حاضر هنشوف التاج
:)
خير يا نور مالها المدونة
انا جيت بصيت ملقتش حاجة غريبة او مشكلة ف البوستات
ياريت تقولي اللي واقف ادامك وان شاء الله يكون له حل متقلقيش
او ابعتيلي على الميل اللي ف بروفايل المدونة وهرد عليكي ان شاء الله
هناك فرق بين الإدراك و العلم
نحن لم ندرك بعد ان بيدنا مفتاح النصر
جزاكم الله كل خير
السلام عليكم
بارك الله فيكم
السلام عليكم
جزاكي الله خيرا
وتقبل الله منا ومنك
Post a Comment